Sunday 30 December 2012

Happy New Year!


Dankie tog dat om Nuwe Jaar te vier/opgewonde oor te wees nog nie beskou word as sonde nie.  Of is dit, dat ek nog net nie daarvan gehoor het nie.  Ek het vir Gunth vroeg uitgevat vir sy Ou Jaar 5km Afsluting.  Ons het lekker gestap.   Kom ‘n vroumens met haar dik hond, en die beur al na ons kant toe.  En simpel vroumens laat haar maar net sleep agter die dik hond aan.  Ek en Gunth het ons dadelik vererg.  Wat soek hulle met ons?  Dit het my drie rukke en drie shock-stok lawaai moes maak, sodat Gunth ook maar net soos ek ewe vererg aanstap.  Eintlik moes ek hom gelos het dat hy die twee net so klein amper lessie leer.  Maar, na ek vanoggend vir hom aangepor het om ‘n groot voël te jaag, en hy met brute krag die ketting uit my hand geruk het, en ek die spierkrag-aksie gevoel het wat deur my hele lyf gesny het, het ek gedink los die dik gat hond.  Nou-nou gaan ek en Gunth die Nuwe Jaar in die tronk sit.  Julle weet my osteoporose laat nie sulke aksies toe nie.  My seun het gisteraand in my kamer geslaap.  Hy is nie gewoond binne slaap nie, en ek het gewonder wat sy reaksie sou wees in case of crime.  J besluit toe teen 11uur om te kom kyk wat aangaan, want ek antwoord nie my foon nie, (seine).  En natuurlik, my seun het my nie teleurgestel nie.  Hy het presies geweet daar gebeur iets wat nie moet gebeur nie, en keel opgesit.  En sover ek met die flitsie geloop het, was hy langs my.  Ek besef nou eers dat dit blote gehoorsaamheid is dat hy so netjies met my verkeer waar ons gaan.  Die oomblik as die bom bars, wat ook al die omstandighede, gaan ek hom nie kan beheer nie.  Goeie les vir my.  Ek hoop net dis nie ‘n onskuldige ou wat gaan deurloop nie.  Dis die ding met Gunth.  You never know.  Alhoewel, hy het ‘n goeie gevoel omtrent “mense” if you know what I mean.  So sluit ons dan die Ou Jaar af.  Rustig, sober en dankbaar.  

Aanhouer wen


Dis vrekwarm vandag in Gauteng.  Ons kan nie beweeg nie.  Te warm om te eet.  Ek het darem so ver gekom om met my studies te begin.  Ek besef nou eers die omvang van die materiaal wat ek gekry het.  Ja.  Ek het tot ‘n kruispad gekom.  As ek nie myself help nie, gaan my siel verlore gaan.  Dit wil vir my voorkom asof J altyd daar is om my op die rand van ‘n afgrond te bring.  En ek sal moet kies, of ek gaan spring of nie.  Dit laat my dink aan die gedig uit my boekie van die trein.  Dis hoe ek destyds gevoel het toe ek ook op die rand van ‘n afgrond gestaan het, wat uitkyk oor die hel.  Asof ek die gedig profeties oor myself uitgespreek het, en veral die laaste paragraaf.

As ek só kyk
sien ek die trein
 somtyds stop hy
laai mense op
ander kere
snel hy verby

 dis vir jou en my
om te besluit
klim ons op
of sal ons bly

waar hy gaan
dié weet ek nie
of hy my weer gaan aflaai
dít weet ek ook nie

maar ek verseker jou
sóú ek opklim
sál jy die prys betaal
  
Dis eienaardig dat dit elke keer  J moet wees wat die “oorsaak” van my ellende is.  Is dit regtig so?  Kyk ek die hele situasie heeltemal mis?  Is die waansinnige oomblikke regverdig?  Is dit moontlik om vrede te maak met sekere swakhede van iemand?  Kan ek dit nie net aanvaar dat die lewe nie perfek is nie?  Soos julle weet het ek mos nie foute nie.  Zero tolerance, no mercy.  It is my way.  Maar ek is ook nie so waansinnig dat ek nie weet: the right way is my way. Ok, lets cut the bullshit.  There is only my way.  Wel, daar is ons nou by die lysie vir die Nuwe Jaar.  Ek het ingeskryf vir 3-Jaar Diploma in Christelike Berading.  Moet nou nie skrik nie.  Ek gaan nie die mense leer van zero tolerance nie.  As ek eers geleerd is, is daar net een les vir my klassie.  Shurrup en doen wat ek sê dan sal dit met julle goed gaan.  Sien, mens moet ferm wees met die spul.  Wat ook vir my ‘n raaisel is, is hoedat ek van my goddelose weg gedraai het, en nie weer teruggegaan het op daardie pad nie.  In die proses het daar ‘n ander skroef uitgeval.  Soos julle onthou, dat ek aanhoudend die sin van my lewe bevraagteken het die laaste tyd.  Is ons besig met opleiding vir die hiernamaals soos baie gelowiges glo.  Of was dit nodig vir my om gek te raak sodat ek moontlik, as dit God behaag, ander gekkes kan verstaan?  Want ek weet, hierdie studies is nodig om my weer op track te kry.  Om weer in diepte te leer wie is die God voor wie ek staan.
Ja, natuurlik het ek planne vir my Gunth ook.  Ons het vanoggend 7uur al teruggekom van ons 5km stap af.  Hy weet al om nie links of regs te kyk vir ander honde nie.  Hulle kan maar blaf.  Ons stap ewe vernaam langs mekaar in die straat, die wêreld behoort aan ons.  Ek wil Gunth vat vir opleiding.  So, my lysie vir die Nuwe Jaar bestaan uit 2 goed uit.  Wat?  Nee man, dis gin te min.  As ek my studies mooi op datum hou, behoort die kop standvastig te bly en dan sal Onse Vader sorg dat ek die res reg doen. 

Thursday 27 December 2012

Monday 24 December 2012

I love my man


Van nou tot die einde van Desember en 1 Januarie is daar ‘n opgewondenheid in die lug.  Baie mense glo nie aan die herdenking van Jesus op 25 Des nie, maar die feit is, ons/hulle word meegesleur deur die voelbare reaksie.  Wel, wat maak dit saak?  Jesus het nie gesê as jy verkeerde dag sy herdenking of krusiging van sy geboorte vier, jy hel toe sal gaan nie.  Hy het gesê, ... Jou God kom eerste en dan moet jy jou naaste lief hê soos jouself.  So, aangesien die Nuwe Jaar nou spoedig naderkom, kry solank die lysie gereed van wat jy graag sou wou doen om te werk aan jou siel.  My papiergoed/laaste wense en instruksies is al lankal agtermekaar, maar ek faal die belangrikste taak, dis my gehoorsaamheid aan God.  Gunth is gedip, ek het sy ore skoongemaak, maar ek skrik as ek vir daai toonnaels kyk.  Good glory, ek sien nie kans om dit te sny nie.  Netnou maak ek my seuntjie seer.  Ons is te arm om ‘n wheateater te koop.  J het iewers een geleen, en die res van die bossies wat so hoog was waarby my tuinhulp nie uitgekom het nie, plat gesny.  Lyk goed.  Ja ek weet,  dit gaan weer groei.  Hopelik sal een van julle vir my ‘n masjien stuur en dan hou ons net aan sny en sny.  Nee, ek kan nie gif spuit nie.  Weet julle hoe groot is die erf?  We are going green! 
Vir die eerste keer sien ek hoe ‘n voël? ‘n nessie uitmekaar uit skud.  Liewe land,  Ek dag dis ‘n teken.  Die wit goed wat so hoog deur die lug val.  Skrik my eers laf, toe sien ek madam is waansinnig daarbo.  J J J het blykbaar die nessie al om sy gat gebou. Soos dit enige ware waansinnige dame betaam, hou sy nie op tot daar NIKS meer oorbly nie.  O my, is alle vrouens so? 
Ek het nie meer ‘n eetlus nie.  As ek dik word, is dit die gaskoeldrank.  Niks wat ek aan dink wil ek eet nie.  Is dit dalk die teken?  J het darem vir my kos gemaak.  Dag 1: aartappelslaai en tamatieslaai en gaskoeldrank en piesangs en custard; Dag 2: aartappelslaai en tamatieslaai en gaskoeldrank en piesangs en custard.  Dag 3:  aartappelslaai, daar is nie meer tamatieslaai nie, piesangs en custard.  Dalk moet ek maar ‘n klein pizza gaan koop.  
O, my lysie?  Well, can you believe it.  Sit almal.  Nee, wag, ek sal julle later van my lysie vertel.  Vandag, is dit “I love my man day”. In my moontlike 3 minute van normale breinfunsie, take note.  Daar is nie ‘n ander man vir my nie. 

I love you J


Tuesday 18 December 2012

Run away

Ek was presies 4 nagte en 3 dae weg, en in plaas van rustig wees, en bly wees om weer by die huis te wees, is ek in ‘n nagmerrie. 

Ek weet nie hoe om dit te bewoord, sonder om aanstoot te gee nie, maar nou ja, fuck the foreplay.  Ek wil graag hê dat julle almal moet besef, dat soos wat ons nou in hierdie sondige wêreld leef, niemand meer krag het om iemand anders se sorge te dra nie.  Ons almal se eie eie eie lewens is vir onsself soms ondraaglik.  Ek het nie meer die krag om ander sin ook te dra nie.  Ek het doodmoeg teruggekom vandag. Gedink hier is vrede vir my.  Al wie bly was om my te sien was die diere.  Die sexy boodskappe wat ek solank aangestuur het huis toe, onbeantwoord.  Ek is verwerp.  Ek voel verworpe.  Ek is ‘n verstote vrou.  Ek is gewoond daaraan dat my liefde onbeantwoord bly, maar dat my jagse praatjies ook nou moer toe gestuur word, het my diep diep gekrenk.  Het julle enige idee hoe ek voel???? My life is over!

Ek was presies 4 nagte en 3 dae weg.  Tommy is ook nou moer toe.  Vir die presiese 4 nagte en 3 dae wat ek weg was, is ek verantwoordelik vir die verlies.  Dis een groot fokken tragedie.  Ek  is lus en doen my: now you see me, now you don’t toertjie.  Retards, Tommy is die wit siamees.  Ek is baie baie deurmekaar.  Ek weet nie meer hoe om te reageer op enige iets nie.  Alle skroewe en skaniere het losgekom.   Wat moet waterpas wees, is skeef. 
Die stelling:  hou net op om te kla.  Ons het ons beddens opgemaak, so slaap of pomp op die ding as jy nog gelukkig is om ‘n “aktiewe partner”????? te hê.  As jy nie meer ‘n bed het nie, pomp op die vloer.  Terwyl jy nog ‘n vloer het, is daar heelwaarskynlik nog ‘n dak bo jou kop.  Wees dankbaar. 

Ek moet my gat roer as ek ‘n dak bo my kop wil hou. Ek bedoel in die sweet van jou aangesig sal jy jou brood verdien.  Praat gerus jou hart uit, maar fok, ek kan nie soos die anti-chris wonderwerke doen nie.  Ek is maar net ‘n dom poepol wat reageer op klagtes en raad gee soos ek dit goeddunk.  En ja, soos julle almal geen erkenning kry van enige iets wat julle doen nie, so kry baie ander mense dit ook nie.  Jy sien, party mense soek erkenning as hy 'n koppie koffie vir iemand gemaak het.  Die ou wat die koffiebone in koffieland gaan haal het, en ook koffie vir iemand gemaak het, soek presies dieselfde erkenning, al was sy werk baie meer.  Dis belaglik.

Wat is die boodskap van die dag?  Nee my boodskap sal julle omkrap as ek nou regtig die wasgoedmandjie omkeer.  Ek probeer altyd sensitief wees vir ander se gevoelens.  Die feit is, ons klagtes en stres gaan meer raak soos die einde van dae naderkom.  Ek vra eerder dat ons Vader my genadig sal wees.  Hy weet wat Sy wil is vir my.  Help my Vader!  Help vir Mara, die erkende sondaar.  Ek wil nie graag die wasgoedmandjie bo-oor my eie kop omgooi in 'n waansinnige oomblik nie. 


Saturday 8 December 2012

Thanks Dala, 2010



As ek reg onthou, het Dala die vir my gegee net voor julle Knysna toe is.  Xmas 2010?

Dankie Vader vir ..... U.

Tuesday 4 December 2012

Wyse woorde

I think the environment should be put in the category of our national security. Defense of our resources is just as important as defense abroad. Otherwise what is there to defend?"
--Robert Redford, actor.