VASGEVANG
is ek in jou
blik wat my sydelings dophou
hoe kan
terwyl jy my só bekyk
ek is vasgevang
in jou
LIEFDE WAT MY AANGAAP
jou hartstog wat my belustig
van nou af
net jy en ek
daarom
GEE EK NIE OM
wie wat sê en waarom
jy was net daar
my opgeraap
nou’s ek joune
slurpend na jou passie
plas en kwyl
sidder
dis ‘n draaikolk
my asem snak
die pas is snel
ek knaag aan jou
sê my
Sê MY !
ons sal bly …
deur
EENMAAL WAS JY
WILDE JARE
al die gevare
om jou tred te hou
onverskrokke
ek steier
vasgedraai
swik saam jou
was beskik
JOU DRAAD GEKNIP
te gou
WAAR’S JY !
jou
HUIGELAAR
het beloof
my nooit te roof
van ‘n tydjie saam jou
ek soek
soek in die sterre
waar jy sou
wees
ek kry jou
IN MY DROOM
kry ek jou
nooit !
saam ‘n ander vrou
wat lyk nes ek
in ‘n goue sonkring
sit sy
ek vra jou, wie’s sy ?
jy sê :
Dis jy ! – die ander jy
wat my troos
tot jy kom na my
ons liefde so innig
sy moes help
ek het verwelk
sonder jou
tot in die hemel
moes God my red
ek sê :
EK HET WEGGESTAP
voor ek omtol
man van my lewe
wat ek altyd wou hê
jy was te wild vir my
ek’t verskrik bly lê
maar
ons was nooit klaar
Toe die hemelgees na jou staar
was jou begeerte
nog steeds ek
en in hierdie lewe
van my
is dit ook nog
net jy
my
HERO
wat kon veg
met die gereg
en kon stoei met ‘n leeu !
God se skepping
aanbid
jou medemens nie bekla
jou hart opreg
toe vat Hy jou weg
daar is ‘n rede
man van my
nie ek of Mara weet
dalk weet jy
MY HART WORD NET VERSAG
deur gedagtes aan jou. Woorde skarrel wanneer ek dit wil neerpen. Woorde van smart het ek genoeg, woorde oor jou kry ek nie. Hoe kan
Jy
praat die praat
wat my in ekstase laat
druk my vas
met brute krag
dwing jou aan my op
jou aanval stoer
ek’s oorweldig
bedwelm
ek gee oor
O, Wat ‘n Man !
my gentleman
Jy
weet tog net
HOE EK VOEL
te weet
net ek
kon jou vuur blus
jou kus
wat ‘n wonder vir my
die sterre vergroot
ek sien engele
spring stuitig rond
al oor die maan
te weet
net ek
vir jou was daar
net ek
daarom
ÍS EK MAAR NET
geanker aan jou
wil nie loskom
ís ek maar net
op die weg
na weet nie waarheen
ís ek maar net
‘n asemhaal
in my eie stof
ís ek ‘n vrou
wat kan
jou bestaan vir my
was verruklik !
DAN Sê JULLE
Mara, dig oor liefde en blomme
dis wat ons wil hê !
wat praat julle mense
hoe kan
jul paadjie is vroom
julle wat dit sê !
ken jul enigiets
van die goed waaroor ek dig ?
sommige moet ek sluier
maar as jul wil
sal ek dit afruk
kyk !
hoe lyk bloed oor die maan
TASTEND
val ek rond
krom bene
wil nie gaan waar ek stuur
doodloop
jou en my
jou siel nog in glorie
die hiernamaals
wat ewig skei
ek wil dit nie weet !
dan is ons familie
jy sal my verwelkom
liefde en blydskap
- nie soos ek wil
ek wil jou liefhê
jou terughê
soos eenmaal toe
God onverstaanbaar
Sy liefde jaloers
een liefde seëvier
nie ons
die van ons Skepper
dis hoe dit is
Eenmaal was jy
WIE KAN
as liefde gil
ons rol en tol
so erg dis ‘n skande
skreiend
hoe heerlik
ons brand
dit pyn
onaanskoulik
dis sondig
koppe verstar
in afguns
onder mantels
maak toe jul oë
sal uitbrand
hartstog
van jou
nie skroom
hoe te bemin
BEWOë
dat ons saam tyd opgroei
ou gedagtes
wat nuwe
koers kry
moes ek nie wegstap
moes ek jou red
ag nee
ek wil dit nie dink nie
verborge trane
spoel oor my lyf
